EFactor ta selebrá dia di medio social ku seminario gratis

WILLEMSTAD- Djaluna , 27 juni 2016, Djaweps 30 di juni rònt mundu ta selebrá dia di  Medio Sosial i su impakto den nos bida. Riba e dia ei EFactor ta organisá e evento ‘New Trends in Business; Social Media & Apps’ na Bar27 na Ruyterkade den Pietermaai. E seminario grátis aki ta co-organisá ku D&I Business Support Services i The Suite.

Efactor ta un organisashon internashonal ku ta brinda e empresario maneranan pa konektá ku otro empresario rònt mundu, kompartiendo konosimentu i medionan prueba pa por krese negoshi ku e meta pa hasi e aventura di empresario-nan ménos trabahoso pero ahun mas fruktífero. Evento nan ku Efactor a organisá den pasado bou di nomber ‘’New Trends in Business’’ a enfoká riba “bitcoins”, “crowdfunding” i tambe “Emerging markets”. EFactor ke yuda e empresarionan  pa desaroya negoshinan pa un sostenibel.

Durante e evento di ‘New Trends in Business; Social Media & Apps’ diferente empresarionan lokal lo elabora riba ‘Social Media & Apps’, manera entre otro  Daniel Corsen (co -fundador i CEO di D&I Business Support Services), Wouter Meeuwisse (direktor kreativo di Media 599) i tambe e artistanan lokal i empresarionan Ryan Navarro, Xavier Navarro i Yasser Casseres,kual hunto ta e ganadó di ‘Guardian Group Fatum Best in Business Award 2016’ ku nan app ‘Urban Chase’.

“Medio Social ta brinda negoshinan posibilidatnan inlimita pa uso di promoshonal pero tambe por ta un fuente pa genera di entrada. Durante e evento aki e oradornan lo komparti e “do and don’t” for di nan experiensia i na lo amplia riba e posibilidatnan ku medio social i  social apps por nifika pa e empresarionan lokal for di nan punto di bista. “,sigun Nevita Mezas, EFactor event organisator , “E oradornan lo komparti nan eksperensia i e lo guia e partisipante nan den e buskeda di e posibildatnan medio di e rednan social  i social apps pa Korsou. E lo ta un eksperensia úniko pa generá konosementunan nobo i krea kontaktonan balioso pa por fortalesa e negoshinan lokal.

E seminario aki ta interesante pa tur hende sea  profeshonal o ku tin un negoshi ku ke sa kon por realisa mas entrada di negoshi mediante medio social i apps. Kada biaha di nobo Efactor ku ‘New Trends in Business’ lo trese e oportunidat  pa esnan presente por kompartí nan pensamentu i konosementu ku otro . Despues di e presentashonnan lo tin e espasio pa e públiko elaborá i puntra pregunta,moderá pa  Daniel Corsen. E idioma lo ta na Hulandes i Ingles.

E seminaro lo ta sigui pa un konsepto nobo di “netwerk” pa The Suit Curacao;  E públiko ta invitá pa keda e siguiente dos oranan di ” happy hour”, den ambiente ameno ku músika, pa interaktua ku e oradornan y tambe e otro personanan presente den un forma ménos formal.

‘New Trends in Business; Social Media & Apps’ lo tuma lugá riba djaweps 30 juni, entre  6:30 oa 10:30 anochi na Bar 27, De Ruyterkade 58 na Pietermaai. Entrada o ta grátis , pero registrashon ta preferá via EFactor.com. E link pa e wèpsait pa inskribí ta www.efactor.com/newtrendssm.

 

Comments

Leave a comment

Your email address will not be published. Required fields are marked *

This site uses Akismet to reduce spam. Learn how your comment data is processed.